ས་མིག་གསལ་བསྒྲགས།

༄༅། །བོད་མིའི་དྭང་བླངས་འཕྲོད་བསྟེན་ཚོགས་པའི་ཁྱབ་ཁོངས་ཀོ་ལེ་གྷལ་ས་གནས་འཕྲོད་བསྟེན་སྨན་ཁང་དུ་ཁྲག་ལུད་དང་གློག་པར་བརྟག་དཔྱད་མཁན་གཅིག་ལྕོགས་ཀྱི་ས་མིག་ཡོད་པའི་ཐོག་རང་རེའི་སྤྱི་ཚོགས་ཁྲོད་ཞབས་ཞུ་གནང་འདོད་ཡོད་རིགས་ནས་གཤམ་དུ་ཆ་རྐྱེན་ཁག་གསལ་བ་གཞིར་བཟུང་འཚང་སྙན་འབུལ་དགོས།

དགོས་མཁོའི་ཆ་རྐྱེན་ཁག
༡།   ཁྲག་ལུད་དང་གློག་པར་བརྟག་དཔྱད་པ་ཐོན་ཟིན་པའི་ལག་འཁྱེར་ངོ་བཤུས།
༢།   ཕྱི་ལོ་ ༢༠༢༢ ཟླ་ ༣ ཚེས་ ༣༡ བར་དྭང་བླངས་དཔྱ་དངུལ་ལག་དེབ་གཙང་ཕུལ་ཞུས་པའི་ངོ་བཤུས།
༣།   གཟུགས་གཞི་བདེ་ཐང་ལས་འཕེར་ཡིན་པའི་ངོས་སྦྱོར་ངོ་མའི་སྟེང་རང་ཉིད་ཀྱི་ཕྱེད་པར་མཉམ་སྦྱར་ཐོག་     ཚད་ལྡན་སྨན་པའི་ལས་དམ་དང་མཚན་རྟགས་འཁོད་པ།
༤།   རང་ཉིད་གཏན་སྡོད་བྱ་ཡུལ་ས་གནས་འགོ་འཛིན་ནས་རྒྱུན་དུ་བྱ་སྤྱོད་ཉེས་སྐྱོན་མེད་པའི་ངོས་སྦྱོར་ངོ་མ།
༥།   སྤྱི་སྒེར་གང་རུང་ནང་ལས་ཀ་བྱེད་མུས་ཡིན་ཚེ་ལས་ཡུལ་དེ་ནས་དགག་བྱ་མེད་པའི་ངོས་སྦྱོར།

གོང་གསལ་ཡིག་ཆའི་འདྲ་བཤུས་སྟེང་ས་གནས་འགོ་འཛིན་ནམ་གཞུང་ཞབས་ལས་བྱེད་གནས་རིམ་ཟུང་དྲུང་ཡན་གྱི་དག་མཆན་དང་ལས་དམ་བཀོད་དེ་(Attestation)གཤམ་གསལ་ཞལ་བྱང་ཐོག་ཕྱི་ལོ་ ༢༠༢༢ ཟླ་ ༡༠ ཚེས་ ༣༡ གི་ཕྱི་དྲོ་ཚོུད་ ༥ གོང་འབུལ་འབྱོར་ཐུབ་པ་གནང་དགོས་རྒྱུ་དང་། དོ་བདག་ལ་འབྲེལ་བ་ཞུ་བདེའི་སླད་སྡོད་གནས་ཁ་བྱང་དང་། གློག་འཕྲིན་ཁ་བྱང་ Email ID དེ་བཞིན་ལག་ཐོག་ཁ་པར་ཨང་གྲངས་སོགས་འཚང་སྙན་ནང་ཁ་གསལ་བཀོད་དགོས། ཡིག་ཆ་ངོ་མ་རྣམས་འབྱོར་ཐོ་འགོད་བཅར་སྐབས་མིག་སྟོན་དགོས། ཆ་རྐྱེན་ཚང་བའི་ཞུ་སྙན་ཕུལ་འབྱོར་བྱུང་བ་རྣམས་ལ་འདེམས་རྒྱུགས་ཀྱི་ཚེས་ཆ་སྐབས་མཚམས་ཐག་གཅོད་ཀྱིས་ཁུངས་འབྲེལ་བྱ་རྒྱུ་ཡིན་པ་བཅས་ཀྱི་ཡོངས་ཁྱབ་གསལ་བསྒྲགས་སུ།༕ བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་ཕྱི་ལོ་ ༢༠༢༢ ཟླ་ ༡༠ ཚེས་ ༡༨ ལ།།
                            

༼འཚང་སྙན་འབུལ་ཡུལ།༽
Secretary
Department of Health, CTA
Gangchen Kyishong, Dharamsala 176215
District Kangra (H.P)

INDIA

Phone: 01892-223408/222718, Coordinator: 9882357573
Email:  [email protected] /[email protected]